يعيش نادي الزمالك حالة متذبذبة وأزمات متتالية في الفترة الأخيرة وذلك بعد الإعلان عن قضية أرض النادي في أكتوبر، ومن ثم بدأ بعض اللاعبين في تقديم شكاوي للاتحاد الدولي لكرة القدم من أجل الحصول على مستحقاتهم أو فسخ عقودهم.
روقا: لما أحصل على جنيه في 6 أشهر مع نادي الزمالك!!
وظهر النجم محمد أشرف روقا لاعب الأبيض الأسبق ونجم نادي حرس الحدود الحالي ليعلن عن تقديم شكوى للحصول على المستحقات المتأخرة من الفريق الأبيض، وهو الخبر الذي تلقى على إثره روقا انتقاد كبير من جماهير الفريق الأبيض ليرد عليهم من خلال صورة من نسخة عقده مع الفريق الأبيض والذي يستدل منه على أحقية الزمالك في فسخ التعاقد معه خلال 15 يومًا من نهاية كل موسم، إلا إنه فسخ العقد بعد عامين وقال:
“أنا أول مرة اكتب حاجة وأعلق على موضوع أنا قولته أو أرد على حد وأذكره باسمه، وهنا كلامي لكابتن عبد الواحد السيد حضرتك عارف انا يحبك ازاي وبحترمك ازاي، وده البند اللي في عقدي واللي حضرتك قولت انه مش موجود او البند ميخصش الفسخ من طرف واحد”.
وأضاف: “حضرتك بتقول المفترض إني شخص متربي.. لا هو ده مش مفترض، أنا الحمد لله متربي ومتربي كويس جدًا، ومش مستني حد يقول ده متربي، ولا لا، وحضرتك عارف إن مليش في الكذب والتحوير، أما الشخص الثاني فهو كابتن ايمن عبد العزيز حضرتك بتقول إن أما جيت لنادي الزمالك جيت النادي من لا شيء.. أنا مش مشكلتي إن حضرتك متعرفش حاجة.. أنا قبل ماجي نادي الزمالك الحمد لله أنا معدي الـ 100 مباراة”.
وأكمل: “ربنا كرمني ولعبت منتخب أوليمبي مع كابتن حسام البدري، وربنا كرمني روحت منتخب مصر مع هيكتور كوبر، فأنا الحمد لله مروحتش نادي الزمالك من لا شيء”.
وواصل: “تاني حاجة انا مبقدمش حجج زي ما بتقول، مليش انا في الجو ده خالص، وانت عارف انا مين وابن مين، ومليش في الهجايص.. اللي بتتكلم فيها وانا مش مستني اني اشوف الناس بتهاجم حد عشان اطلع أتكلم”.
واستطرد: “انت بتقول إني خدت فلوس 6 سنين مجتش من سنه، لا هو حضرتك متعرفش حاجة برده، وبتتكلم بس ومتعرفش إني كنت بقعد فترة بـ 5 و6 شهور ميدخلش بيتي جنيه”.
أزمة روقا مع المدرب جوزيه جوميز
وتطرق للحديث عن مشكلته مع المدرب البرتغالي جوزيه جوميز وقال: “أما بالنسبة لحوار جوزيه جوميز -المدير الفني الأسبق للزمالك- فانا مش محتاج اتحجج حضرتك ولا أهري، زي مانت طالع تتكلم في حاجات متعرفهاش.. ربنا بس وحده اللي يعلم إذا كنت بكدب أو صادق”.
وأتم محمد أشرف روقا تصريحاته قائلًا: “متطلعش تقول أي كلام فارغ عني وانت متعرفش حاجة، واه ركز في شغلك بدل مانت كل فرقه بتمسكها بتفشل وبعد كده تمشي”.
